საზოგადოებრივ მეცნიერებათა კათედრის განვითარების გეგმა

საზოგადოებრივი მეცნიერებების საგნობრივ ჯგუფში გაერთიანებულია მსგავსი მიზნების, შინაარსიისა და შესწავლის, მეთოდების მქონე დისციპლინები ისტორია, გეოგრაფია, სამოქალაქო განათლება და არჩევითი საგნები:სახელმწიფო სამართალი, ეკონომიკა.
საზოგადოებრივი მეცნიერებების სწავლების მიზანია მოსწავლეს გამოუმუშავოს: ისტორიისა და გეოგრაფიის ცოდნა, დაეხმაროს მოსწავლეს აღიქვას სამყარო მთლიანობაში და განსაზღვროს საქართველოს ადგილი მსოფლიო პროცესებში, ხელი შეუწყოს მოსწავლის პატრიოტად და პასუხისმგებლობის მქონე მოქალაქედ ჩამოყალიბბას. დაეხმაროს მოსწავლეს კულტურული, ესთეთიკური და სულიერი მსოფლმხედველობის ჩამოყალიბებაში. მშობლოური ქვეყნის და მსოფლიოს მნიშვნელოვანი ისტორიულ-გეოგრაფიული მოვლენების შესწავლის პროცესში მოსწავლეს უნდა განუვითარდეს სპეციფიკური და ზოგადი უნარები და მოსწავლე აღიზარდროს მაღალზნეობრივ ღირებულებებზე.
ამისათვის საჭიროა საზოგადოებრივ მეცნიერებათა კათედრამ განახორციელოს მისი ძირითადი ფუნქცია-მოახდინოს საგნების სწავლების კოორდინაცია და სწავლების ხარისხის გაუმჯობესება.
2009-2010 სასწავლო წლისათვის კათედრამ შეიმუშავა განვითარების გეგმა, რაც ითვალისწინებს სხვადასხვა ღონისძიებებს, აქტივობებს და რეკომენდაციებს.
უპირველეს ყოვლისა საჭიროაკათედრის ყველა წევრი იცნობდეს ზოგადი განათლების ეროვნულ მიზნებს, ეროვნულ სასწავლო გეგმას და სწავლების ახალ მიდგომებს. საგნედებათდებისა და კლასების მიხედვით კათედრის წევრებს დაურიგდებათ სასწავლო გეგმის ნიმუშები,მოხდება მათი დამუშავება და რეგულარული მონიტორინგის განხორციელება იმაზე, თუ რამდენად იცნობს პედაგოგი მიმართულებებს, შედეგებსა და ინდიკატორებს. მასწავლებელმა სასწავლო გეგმის მიხედვით საჭიროა შეიმუშაოს სწავლების საკუთარი სტრატეგია, ინდივიდუალური თავისებურებების გათვალისწინებით შეადგინოს თანმიმდევრული და განვითაებადი სასწავლო გეგმა, შექმნას სამოდელო გაკვეთილის ნიმუშები და წარმოადგინოს კათედრის წევრთა შეკრებებზე.
კათედრის პირველსავე სხდომაზე მოხდეს არჩეული სახელმძღვანელოების დამტკიცება. მათი შერჩევისას ყურადღება უნდა გამახვილდეს შემდეგ კრიტერიუმებზე: სახელემძღვანელო შეესაბამება ერონული სასწავლოგეგმით განსაზღვრული საგნის სწავლების მიზნებსა და საგნობრივ პროგრამას, ხელს უწყობს მოცემული კლასის სტანდარტის ყველა მიმართულებით განსაზღვრული შედეგების მიღწევას, ხელს უწყობს მრავალმხრივი აზროვნებისა და შეხედულებების განვითარებას. დაწერილია ასაკისათვის შესაფერისი ენით, ინფორმაციები სანდოა და ეყრდნობა უახლოეს მიღწევებს. ითვალისწინებს ცოდნის ათვისების სამივე ფაზეს: წვდომა,გავარჯიშება, დაუფლება.
შემუშავდეს და აღიწეროს ასაკობრივი თავისებურებებისა და საგნობრივი სპეციფიკიდან გამომდინარე შეფასების კომპონენტები (ჩართულობა, საშინაო და საკლასო დავალებები, შემაჯამებელი სამუშაოები, ორგანიზებულობა, შემოქმედებითობა კვლევა და ა.შ.)და თითოეული კომპონენტის მიხედვით დადგინდეს შეფასების დონეები 1-10ქულამდე.
სკოლაში ძირითადად მისაღებია ორი ტიპის შეაფასება:განმსაზღვრელი და განმავითარებელი.
მნიშვნელოვანია მათი მუდმივიდ გამოყენება სწავლის პროცესში. სასურველია რომ განმავითარებელი შეფასების წილი სასწავლო პროცესში უფრო მეტი იყოს, ვიდრე განმსაზღვრელის.
მოხდეს კათედრის წევრთა რეგულარული შეხვედრები, სადაც გაზიარებული იქნება ერთმანეთის გამოცდილება, განისაზღვრება წარმატების წინაპირობა და პრობლემების გადაჭრის გზების ძიება.
პროფესიული განვითარებისათვის სასარგებლო ღონისძიებების ორგანიზება(ტრენინგები, კონფერენციები)საგნების სწავლებასთან დაკავშირებული ინოვაციების გაცნობა და პრაქტიკაში განხორციელება. დამხმარე სახელმძღვანელოების მოძიება,დამუშავება და წაროდგენა კათედრის წევრთა შეხვედრებზე.
სხვა საგნობრივი ჯგუფის მასწავლებლებთან კოორდინირებული მუშაობა(ინტეგრირებული გაკვეთილების დაგეგმვა და ჩატარება, ერთობლივი ექსკურსიების, კონფერენციების მოწყობა.)
რეკომენდაციების შემუშავება დამხმარე სასწავლო მასალებისა (რუკები,თვალსაჩინოებები) და საჭირო წიგნების შესახებ.
სასწავლო პროცესის უკეთ ორგანიზებისათვის სკოლაში და სკოლის გარეთარსებული რესურსების გამოყენება(მხარეთმუზეუმის კლუბის შექმნა, ექსკურსიები მუზეუმებში, სამეცნიერო დაწასებულებებში, შეხვედრები მეცნიერ-მკვლევარებთან).
შიდა სასკოლო შემოწმებები - გულისხმობს დასწრებებს გაკვეთილებებზე, სადაც ზოგადი დაკვირვების საფუძველზე უნდა შეფასდეს გაკვეთილის დაგეგმვა და მომზადება, საკლასო მენეჯმენტი, საგაკვეთილო მასალის მიწოდება, მასწავლებლის და მოსწავლის როლი. ყოველი ტრიმესტრის ბოლოს საკონტროლო ტესტირებების ჩატარებას, რათა შემოწმდეს სწავლების დონე და თუ რამდენად თანხვდება შიდა სასკოლო შემოწმების შედეგები მასწავლებელთა შეფასებებს.
როგორც სასკოლო ასევე სკოლის გარეთ კონკურსებში საგნობრივ ოლიმპიადებსა და კონფერენციებში მონაწილეობის ორგანიზება. პროექტების შექმნა და მათი პრეზენტაცია.
საუკეთესო მოსწავლის და საუკეთესო მასწავლებლის გამოვლენა და მათი დაჯილდოება.
მასწავლებელთა პროფესიული ვალდებულებების, ცოდნისა და უნარების შეფასებისა და თვითშეფასების სქემის, წარმატებული საქმიანობის ინდიკატორების შემუშავება. (მაგ: იცნობს ზოგადი განათლების ეროვნულ მიზნებს, ეროვნულ სასწავლო გეგმას და სწავლების ახალ მიდგომებს. აქვს სწავლების საკუთარი სტრატეგია და აღწევს მაღალ შედეგებს. იცის საინფორმაციო საკომუნიკაციო ტექნოლოგიები და იყენებს სწავლის პროცესში. სრულყოფს და ივითარებს კვალიფიკაციას და პროფესიულ უნარებს, აქვს მოსწავლის მიღწევეის, შემოწმების და შეფასების ობიექტური სისტემა.)
სკოლის პოპულარიზაციის მიზნით ღონისძიებების დაგეგმვა.(სასკოლო ინიციატივები, ურთიერთობა სხვასკოლებთან).
მუდმივი მონიტორინგი კათედრისა და მისი ხელმძღვანელის მუშაობის შესახებ.
კათედრის წევრი მასწავლებლების პორტფოლიების მოწესრიგება.
საგნობრივი ჯგუფის გადაწყვეტილებების მიწოდება სკოლის მართვის ორგანოებისათვის.
პოზიტიური თანამშრომლობა კოლეგებთან, მშობლებთან, მოსწავლეებთან და საზოგადოებასთან.
ტრიმესტრის ბოლოს კათედრის წევრთა მიერ ანგარიშის წარდგენა გაწეული მუშაობის შესახებ.